BARNEVELDI Insul

BARNEVELDI Insul

detecta a Batavis A. C. 1616. in mari Austrino, prope Terram Ignium, et Fretum Maereum. Dicta sic est in honorem Iohannis Barneveldii, vel Oldenbarneveldii, qui ab A. C. 1588. post Paulum Busium, Hollandiae fuit Advocatus. Fuit autem hic Principum temporibus vox publicae libertatis, utque tunc periculis, ita mutatâ Republ. auctoritate praecipuus in

conventu Ordinum et delegatorum consessu exquirit sententias, praeit suadendo, componit dissidentes. Hanc dignitatem auxit victutibus propriis Barneveldius, quarum insigne documentum dedit, adversus Licestrii minas artesque, ut fidus consilii, ita animi invictus. Ad Henricum IV. Gall. Regem missus, pacem illi cum Hispanis, dissuasit; A. C. 1598. Cum dein magnis animis inter Foederatos de pace cum his ageretur, A. C. 1608. invidiae praecipue obnoxius, muneri suo reuntiavit. Sed primorum rogatu ad id reversus omnem Hollandiam aliasque quinque nationes unius fecit sententiae: Maximis in extremam aetatem negotiis adhibitus. Tandem, velut seditionis, ab Arminianis excitatae, et collusionis cum hoste suspectus, cum Hug. Grotio, ex cuius Hist. Belg. priora hausimus, A. C. 1618, in vincula coniectus et capite plexus est.